Que son as invitacións?

As invitacións son a forma que teñen os teus amigos e familiares para acceder aos teus carretes de forma rápida e sinxela.

Do mesmo xeito que envías invitacións aos teus amigos para que asistan á túa festa de aniversario, as invitacións en jjiffy serven para que os teus amigos accedan ao carrete onde ides reunir todas as fotografías dese aniversario. Estas invitacións podes compartilas fisicamente cun código QR ou envialas por email, mensaxería instantánea (WhatsApp, Snapchat), …

As invitacións permiten o acceso totalmente anónimo ao carrete, o que fai posible que non sexa necesario estar rexistrado para poder utilizar jjiffy. Os teus convidados acceden a través dos seus navegadores web á interface co contido do carrete para que poidan engadir as súas fotografías e reunilas coas do resto de convidados, todo iso sen a necesidade de instalar ningunha aplicación de software nos seus dispositivos.